| နေမင်းက အသစ်ဆိုတော့ |
|
 |
|
ဒီနေ့ခေတ် ရုပ်ရှင်၊ ဗီဒီယိုဈေးကွက်အခြေအနေ ဘယ်လိုပဲရှိရှိ ကုမ္ပဏီအသစ်တွေ၊ ထုတ်လုပ်ရေးအသစ်တွေ၊ သရုပ်ဆောင်အသစ်တွေကတော့ ပေါ်ပေါက်နေဆဲပဲ။ ပရိသတ်တောင့်တမှုအရ ဇာတ်ကား အမျိုးအစားတွေကလည်း ဟာသ၊ ဒရာမာ၊ လျှို့ဝှက်သည်းဖို..စသဖြင့်။ ကုမ္ပဏီအပိုင် မင်းသားတွေရဲ့ ခြေလှမ်းတွေက ခပ်စိတ်စိတ်။ရွှေစင်ဦးရဲ့ စင်တင်မင်းသားက နေမင်း။ ဇာတ်ကားတွေ ဆက်တိုက် ရိုက်ကူးသရုပ်ဆောင်နေတဲ့ လူငယ်မင်းသားတစ်လက်ပါ။ “ကျွန်တော် ဇာတ်ကားနှစ်ဆယ်ကျော် ရိုက်ခဲ့ပါပြီ။ ဒါရိုက်တာတွေက ဥက္ကာဗို၊ ကိုဇော်(အရုဏ်ဦး)၊ ကိုမိုးအောင်၊ အောင်ဗပါဝါတို့နဲ့ ရိုက်ဖြစ်ပါတယ်။ အခုဖြန့်နေတဲ့
|
|
| ‘မုန်းတယ်ဟေ့’က ကိုမိုးအောင် ရိုက်တာ။ မယ်လိုဒီနဲ့အတူ သရုပ်ဆောင်ထားတယ်။ အခုရိုက်နေတာတွေက ဇာတ်လမ်းအမျိုးအစားစုံပါတယ်။ ဟာသ၊ ဒရာမာ၊ အက်ရှင် စရိုက်စုံပေါ့။ ကျွန်တော်ကတော့ သရုပ်ဆောင်စရိုက်အစုံ ကြိုးစားနေပါတယ်။ ပရိသတ်ကို အဆင်ပြေပြေ ပေးဆပ်ချင်တယ်။ လူငယ်တစ်ယောက်မို့ လူငယ်ကာရိုက်တာမျိုး၊ fancy ပုံစံမျိုးကို တော့ ပိုပြီးနှစ်သက်တာပါ။ ဒါပေမဲ့ အက်ရှင်လည်း ပီပြင်အောင် လုပ်ရမှာပဲ။ ဒရာမာဆိုလည်း ရအောင်လုပ်ရမှာပဲ။ ကိုယ်လုပ်လိုက်တဲ့၊ ကိုယ်သရုပ်ဆောင်လိုက်တဲ့ ဇာတ်ရုပ်ကို ပရိသတ်လက်ခံနိုင်ဖို့ အဓိကပါ။ ကြိုးစားနေဆဲ သရုပ်ဆောင်တစ်ယောက်အတွက် ပရိသတ် အားပေးမှုက ဆေးတစ်ခွက်ပေါ့”
|
| သရုပ်ဆောင်လူငယ်တစ်ဦးရဲ့ ရင်ထဲက ဆန္ဒကို ဒီလိုကြားခဲ့ရတယ်။ အသစ်တွေအတွက် ကြိုးစားနိုင်မှ ကောင်းမယ်လေ။ နေမင်းရဲ့ ကြိုးစားမှုကတော့ ပရိသတ်ရင်ထဲ ရောက်သွားမယ် ထင်တာပါပဲ။ |
|
| xxxxxxxxxxxxxxxxxxxxxxxxxxxxxxxxxx |
|
| စေတနာစိတ်ကလေးကြောင့် |
|
 |
| “သရုပ်ဆောင်တစ်ယောက်ဖြစ်နေတဲ့အတွက် ဇာတ်ကောင်စရိုက်မျိုးစုံတော့ သရုပ်ဆောင်ဖြစ်နေတာပါပဲ။ ပီပြင်မှုရှိအောင် ပုံဖော်ဖို့က ပုလဲတို့ သရုပ်ဆောင်တွေရဲ့ တာဝန် လေ။ ပုလဲအနေနဲ့ ဇာတ်ကားတွေ များစွာရိုက်ကူးခဲ့ပြီ။ Character တွေလည်း စုံသလောက်ပါပဲ။ နာမည်တစ်ခုအတွက် ပုလဲတို့မှာ တာဝန်ရှိပါတယ်။ ပရိသတ်ရဲ့အားပေး လက်ခံမှုကို ပုလဲတို့က ပေါ့ပေါ့တန်တန် သဘောထားလို့ မရပါဘူး။ တချို့ဇာတ်ကားတွေမှာ ပြင်ပစရိုက်နဲ့ ကိုက်ညီတာ ရှိတယ်။ တချို့ကျတော့လည်း ကိုယ်က ကြိုးစားပုံဖော်ရတာ မျိုးရှိပါတယ်။ အဓိကကတော့ ကိုယ်လုပ်တဲ့အလုပ်အပေါ်မှာ စေတနာစိတ်လေး ထည့်ပြီးလုပ်ရင် အကောင်းဆုံးပဲလို့ ပုလဲ ယူဆပါတယ်” |
|
|
| ပုလဲဝင်းရဲ့ နှုတ်ထွက်စကားပါ။ လောလောဆယ် ပြက္ခဒိန်၊ ကြော်ငြာ၊ ဇာတ်ကားတွေ ရိုက်ကူးနေရတဲ့ သူ့ရဲ့ အနုပညာအလုပ်တွေကို ပရိသတ်က အားပေးလက်ခံကြတယ်။ အကြောင်းရင်းကတော့ သူပြောခဲ့သလို ‘စေတနာစိတ်'ကြောင့်ဖြစ်မှာပါ။ သူ့ရဲ့အဲဒီစိတ်ကလေးကြောင့် အခုချိန်ထိ ပုလဲဝင်းကို ပရိသတ်က ချစ်နေတာ ဖြစ်နိုင်တယ်နော်။ |
|
| xxxxxxxxxxxxxxxxxxxxxxxxxxxxxxxxxx |
|
| ကျွန်တော်က မင်းသွေး |
|
 |
|
နယ်သစ်ဦး ရုပ်ရှင်ဗီဒီယို ထုတ်လုပ်ရေးက မင်းသွေးဆိုတဲ့ သရုပ်ဆောင် လူငယ်တစ်ယောက်ကို ဆက်တိုက် ပွဲထုတ်လာခဲ့ပြီ။ မင်းသွေးအတွက် သူ့ရဲ့ ပင်ကိုပုံစံနဲ့ ကိုက်ညီမယ့် ဇာတ်လမ်းတွေ ကိုလည်း ရွေးချယ်ထားတယ်လို့ သိရတယ်။ နဝရတ်နဲ့တွဲဖက်ပြီး ‘အိုးပုတ်နဲ့ ချိုးရုပ’ဇာတ်ကား ရိုက်ပြီးခဲ့ပြီ။ လူငယ်စရိုက် ပုံဖော်ရိုက်ကူးဖို့ ဒါရိုက်တာ မိုက်တီးရဲ့ရိုက်ချက်နဲ့ သရုပ်ဆောင် မေသဉ္ဇာဦး တို့နဲ့အတူ နယ်သစ်ဦးရုပ်ရှင်အတွက် သရုပ်ဆောင်နေတယ်။ “ဒီဇာတ်ကားကတော့ လူငယ်ပုံစံမျိုးပါပဲ။ ခပ်သွက်သွက် ဇာတ်လမ်းလေးပေါ့။ ကျွန်တော့်အစ်ကိုနဲ့အတူ သရုပ်ဆောင်ထားတဲ့ ‘ဂျစ်ပစီ’လည်း အားရပါတယ်။ကိုနိုင်(ကျော်ရဲအောင်) |
|
| နဲ့လည်းတွဲပြီး သရုပ်ဆောင်ထားတာရှိတယ်။ ဇာတ်လမ်းရွေးတာ၊ ဇာတ်ဖတ် တာတွေကို ကျွန်တော်ကိုယ်တိုင် လုပ်ပါတယ်။အစ်ကိုနဲ့ တိုင်ပင်တာ ရှိတယ်။ အစ်ကိုက Guide Line ပေးတာမျိုးရှိတယ်။ ကျွန်တော့်အတွက် သရုပ်ဆောင်ရတဲ့အခါ ကျွန်တော့်ကိုယ်ပိုင်စိတ်ကူး၊ ကိုယ်ပိုင်စတိုင်လ်လေးနဲ့ပဲ လုပ်သွားပါတယ်။ ညီအစ်ကိုမို့ ရုပ်ချင်း ဆင်တာတော့ ရှိမှာပေါ့။ နေတိုးလည်း နေတိုးစတိုင်လ်ဖြစ်သလို ကျွန်တော်လည်း မင်းသွေးကိုယ်ပိုင်ပုံစံနဲ့ပဲ သွားပါတယ်”
|
| နေတိုးရဲ့ညီဖြစ်တဲ့ မင်းသွေးရဲ့သရုပ်ဆောင်မှုစိတ်ကူးကို သိခဲ့ရတယ်။ အသစ်တစ်ယောက်ရဲ့စိတ်ကူးက ရိုးသားမှုရှိတယ်၊ တက်ကြွမှုရှိတယ်ဆိုတော့...။ |
|
| xxxxxxxxxxxxxxxxxxxxxxxxxxxxxxxxxx |
|
| အနုပညာအပေါ် သစ္စာရှိဆဲ |
|
 |
| ‘လင်းဇာနည်ဇော်’ဆိုတဲ့ သရုပ်ဆောင်မင်းသမီးတစ်ယောက်ရဲ့ အနုပညာသက်က
ကြာခဲ့ပြီ။ ဗီဒီယိုတစ်ခေတ်လည်း ဖြစ်ခဲ့တယ်။ ကေသီပန်ရုပ်ရှင်ရဲ့ မျိုးဆက်အဖြစ် အနုပညာအလုပ်တွေကို အခုထိ လုပ်နေရဆဲပါ။ ဗီဒီယိုဇာတ်ကားတွေ ဆက်တိုက်ရိုက်နေတယ်။ ဒီဗီဒီနဲ့ ရုပ်ရှင်ဇာတ်ကားကြီးတွေမှာလည်း လင်းဇာနည်ဇော် ပါဝင်သရုပ်ဆောင် ထားတာ တွေ့ရပါတယ်။
“ဇာတ်ကားတွေတော့ ဆက်တိုက်ရိုက်ဖြစ်ပါတယ်။ အခု ကိုမိုက်နဲ့ ဗီဒီယိုရိုက်နေတယ်။ တကယ်ပြောရရင် မလင်းတို့က သရုပ်ဆောင်သက်လည်း ရလာပြီ။ အသက်လည်း ရလာပြီ မငယ်တော့ဘူးလေ။ ဒီအနုပညာ အလုပ်ကို ဝါသနာအရ သေသေ
|
|
|
| ချာချာ လုပ်ဖြစ်နေတာပါ။ဘယ်လို character မျိုးကိုမဆို တတ်နိုင်သလောက် ကြိုးစားပြီး ပီပြင်အောင် အားထုတ်ခဲ့ပါတယ်။ ကိုယ် ရွေးချယ်ခွင့်ရှိသလောက်ထဲမှာ မလင်း သရုပ်ဆောင် ဖြစ်ပါတယ်။ ဟိုလို မလုပ်ချင်ဘူး၊ ဒီလို သရုပ် မဆောင်ချင်ဘူးဆိုတာမျိုး မရှိပါဘူး။ ဒီအလုပ်က မလင်းတို့ အစဉ်အဆက်လုပ်လာခဲ့တဲ့အတွက် အဲဒီအပေါ်မှာ သစ္စာရှိရှိ ဆက်လုပ် သွားမှာပါပဲ” |
|
ကေသီပန်ရုပ်ရှင်ရဲ့ မျိုးရိုးစဉ်လာကို အခုထိတာဝန်ကျေနေတဲ့ လင်းဇာနည်ဇော်ရဲ့ စကားဖြစ်ပါတယ်။ အနုပညာအလုပ်အပေါ် တာဝန်ကျေတဲ့ သူ့ရဲ့သရုပ်ဆောင်မှုတွေကတော့ အနုပညာအလုပ်အပေါ်မှာ သစ္စာမြဲတတ်ခြင်းဟာ ကေသီပန်အနုပညာမျိုးဆက်ရဲ့ ဂုဏ်တစ်ခုအဖြစ် ဂုဏ်ယူနေသူလေးပါ။ ဒါကြောင့်လည်း ‘လင်းဇာနည်ဇော်’ ဆိုတာ အခုထိ ပရိသတ်နှစ်သက်ဆဲ သရုပ်ဆောင်တစ်ဦးဖြစ်နေတာပေါ့။
|
|
| xxxxxxxxxxxxxxxxxxxxxxxxxxxxxxxxxx |
|
| ရိုးသားမှုနဲ့အတူတူ |
|
 |
|
သူ့ကို ချစ်စနိုးနဲ့ ‘ဇာကြီး’လို့ ခေါ်ဝေါ်ကြတယ်။ သရုပ်ဆောင်မင်းသမီး တစ်ယောက်ရဲ့ အောင်မြင်မှုနဲ့အတူ အခုချိန်ထိ ကျရာဇာတ်ရုပ်မှာ သူက ပါဝင်နေဆဲ။ အကယ်ဒမီမေသဉ္ဇာဦးရဲ့ ရုပ်ရှင်ဇာတ်ကား၊ ဗီဒီယို၊ ဒီဗီဒီတွေမှာ သူ့သရုပ်ဆောင်မှုတွေက အပိုအလိုမရှိ၊ ပရိသတ်က သူ့ကို ချစ်နေဆဲ။
“ရုပ်ရှင်တွေကတော့ အခုချိန်မှာ ဟာသတွေ များတာပေါ့လေ။ ဗီဒီယိုတွေ၊ ဒီဗီဒီတွေမှာတော့ ဒရာမာဇာတ်လေးတွေ၊ မေတ္တာဖွဲ့လေးတွေ ရှိပါတယ်။ action ဇာတ်ကြမ်း၊ fancy အစုံပေါ့။ အနုပညာဆိုတာ ပရိသတ်အားပေးမှု၊ နှစ်သက်မှုကလည်း အရေးကြီးတာပဲ။ ကိုယ်လုပ်ပြလိုက်တဲ့ |
|
| အမူအရာ၊ သရုပ်ဆောင်မှုက ပရိတ်သတ်ရင်ထဲရောက်တယ်ဆိုရင် ကျေနပ်ရတာပါပဲ။ ဇာကြီးတို့က အနုပညာအပေါ် ကျေနပ်ပျော်ရွှင်လို့ လုပ်နေကြတာလေ။ ခေတ်ရဲ့တောင်းဆိုမှုအရ ဟာသဆိုလည်း ဟာသပေါ့။ ဒရာမာဆိုလည်း ဒရာမာပေါ့။ ကိုယ့်အရွယ်၊ ကိုယ့်ပုံစံနဲ့ လိုက်ဖက်တဲ့ character မျိုးမှာ အကောင်းဆုံးသရုပ်ဆောင်ဖို့ပဲ စိတ်ထဲမှာ ရှိပါတယ်” |
| မေသဉ္ဇာဦးရဲ့ သရုပ်ဆောင်စိတ်လေးကို ပရိသတ်ကလည်း နားလည်မှာပါ။ အနုပညာရှင်တစ်ဦးရဲ့ ရိုးသားမှုကို ပရိသတ်က အသိအမှတ်ပြုတတ်ကြတယ်။ ဒါကြောင့် ဇာကြီးရဲ့အနုပညာအပေါ် အားလုံးနှစ်သက်နေတာပါ။ |
|
| xxxxxxxxxxxxxxxxxxxxxxxxxxxxxxxxxx |
|
| Studio - K တစ်နှစ်ပြည့်ပြီ |
|
 |
|
- ဓာတ်ပုံ ကိုလင်း(Studio - K)ရဲ့ ဓာတ်ပုံဆိုင် သက်တမ်း တစ်နှစ်ပြည့်ခဲ့ပါပြီ။ မင်္ဂလာတောင်ညွန့်၊ ဗညားဒလလမ်း၊ အမှတ်-၇၆/၈၀၊C1 (မြေညီထပ်)မှာ ဖွင့်လှစ်ထားတဲ့ Studio - K ရဲ့ သက်တမ်းတစ်နှစ်အတွင်း မဂ္ဂဇင်း၊ ဂျာနယ်၊ မီဒီယာများအတွက် ကူညီပံ့ပိုးပေးခဲ့ပါတယ်။ အနုပညာရှင်တော်တော်များများအတွက်လည်း လှပတဲ့ပုံရိပ်လေးတွေ ထင်စေခဲ့တယ်။ သူ့ရဲ့တစ်နှစ်ပြည့်သက်တမ်းအတွက် ခင်မင်ရင်းနှီးသူတချို့နဲ့ အထိမ်းအမှတ်လေးတစ်ခု ပြုလုပ်ခဲ့ပါတယ်။
“အဓိကကတော့ မဂ္ဂဇင်း၊ ဂျာနယ်တွေအတွက် ရိုက်ပေးဖြစ်ပါတယ်။တခြားမီဒီယာတွေ |
|
| အတွက်လည်း အကူအညီပေးနေဆဲပါ။ စတူဒီယိုမှာ သီချင်းဗီစီဒီရိုက်တာမျိုးလည်းရှိပါတယ်။ အနုပညာရှင်အတွက် တတ်နိုင်သလောက် ကူညီပေးပါတယ်။ ဓာတ်ပုံနဲ့ပတ်သက်ပြီး ကျွန်တော့်ဘက်က အကောင်းဆုံးဖြစ်အောင် ပုံဖော်ပေးနေပါတယ်” |
| - လူငယ်ဓာတ်ပုံသမား ကိုလင်း (Studio - K )ရဲ့ အပြောပါ။ ပုံရိပ်လှလှလေး ဖြစ်စေချင်သူတွေအတွက် Studio - K ကို ဆက်သွယ်မယ်ဆိုရင် တယ်လီဖုန်း - ဝ၁-၂၉၅၂၇၅ ကို ဆက်သွယ်လို့ ရနိုင်ပါတယ်။ |
|
| xxxxxxxxxxxxxxxxxxxxxxxxxxxxxxxxxx |
|
| ရုပ်ရှင်သက်ကြီး ပူဇော်ကန်တော့ပွဲ |
|
 |
| မြန်မာနိုင်ငံရုပ်ရှင်အစည်းအရုံးက နှစ်စဉ်ကျင်းပတဲ့ ‘မြန်မာ့ရုပ်ရှင်နေ့နဲ့ ရုပ်ရှင်သက်ကြီးပူဇော်ပွဲ’က ၆၄ ကြိမ်ရှိခဲ့ပါပြီ။ ရုပ်ရှင်လောကသားတွေရဲ့ ဂါရဝတရားနဲ့ အလှူဒါနအဖြစ် သက်ကြီးဝါကြီးရုပ်ရှင်ပညာရှင်တွေကို ပူဇော်ကန်တော့ကြတဲ့ပွဲပါပဲ။ ၂၀ဝ၉ ခုနှစ်၊ ၆၄ ကြိမ်မြောက် မြန်မာ့ရုပ်ရှင်သက်ကြီးပူဇော်ပွဲကို အောက်တိုဘာ ၁၂ ရက်၊ နံနက်ပိုင်းက ရန်ကုန်မြို့၊ ဝင်္ကပါလမ်း၊ ဗဟန်းမြို့နယ်ရှိ ရုပ်ရှင်အစည်းအရုံးမှာ ကျင်းပခဲ့တယ်။ သက်ကြီးရုပ်ရှင်ပညာရှင် ၁၁၇ ဦးကို ကန်တော့ခဲ့ကြပါတယ်။ လူငယ်ရုပ်ရှင်သရုပ်ဆောင်၊ အနုပညာရှင်တွေ စုံစုံလင်လင် တက်ရောက်ကြပြီး ပူဇော်ကန်တော့ခဲ့ပါတယ်။ |
|
|
| “အန်တီဘေဘီကတော့ ဒီလိုနေ့မျိုးမှာ ပီတိဖြစ်ရပါတယ်။ ကိုယ်တွေတုန်းကလည်း ဒီလို အလှူဂါရဝမျိုးပြုခဲ့တယ်။ နောက်ထပ်မျိုးဆက်တွေက အခုကိုယ့်ကို ဒီလိုဂါရဝပြုကြတယ်။ ကြည်နူးရတာပေါ့ကွယ်” |
|
အကယ်ဒမီရုပ်ရှင်မင်းသမီးကြီး ဒေါ်မြင့်မြင့်ခင်ရဲ့ ပီတိကို အခုလိုကြားခဲ့ ရပါတယ်။ ဦးအောင်လွင်၊ ဦးညွန့်ဝင်းတို့ကိုလည်း အပူဇော်ခံပညာရှင်တွေထဲမှာ တွေ့ရပါတယ်။ ဒီနေ့ခေတ် နာမည်ကျော် လူငယ်သရုပ်ဆောင်တွေကလည်း စေတနာ စိတ်သန့်စွာနဲ့ ပူဇော်ကန်တော့ကြတယ်။ နှစ်စဉ် ဒီလိုမြင်ကွင်းမျိုးက အဆန်းမဟုတ်တော့ပေမဲ့ ကြည်နူးစရာ ပီတိတစ်ခု ခံစားရပါတယ်။
|
|
| xxxxxxxxxxxxxxxxxxxxxxxxxxxxxxxxxx |
|
| ရင်ထဲမှာ တကယ့်ဗီဇပါလာရင် . . . |
|
 |
|
စိုင်းလိက်ရဲ့ အနုပညာလှုပ်ရှားမှုဆိုရင် ဗီစီဒီသီချင်း သရုပ်ဆောင်မှုတွေ များပါတယ်။ ပရိသတ်ကလည်း သူ့ကို ဗီစီဒီသီချင်းသရုပ်ဆောင်အဖြစ် သိထားကြတာ။ Music နဲ့ နီးစပ်တဲ့ စိုင်းလိက်ရဲ့ သီချင်းသံကို အခု ပရိသတ်ကြားနေရပြီ။ ‘ဆည်းဆာအလှ’ဆိုတဲ့ အယ်လ်ဘမ်ထဲမှာ သူ ပါဝင်သီဆိုထားတယ်။ ‘တစ်သက်လုံးအတွက်’ဆိုတဲ့ သီချင်း။
“အဲဒီသီချင်းက ကိုဇဝါရေးပေးထားတာပေါ့။The Sun Music ရဲ့ Live Show စီစဉ်မှုပေါ့။ ဗီစီဒီလည်း ထွက်တော့မယ်။ ဒီသီချင်းက ပရိသတ်ရှေ့ကို ပထမဆုံးရောက်လာတဲ့ ကျွန်တော့်ရဲ့ပွဲဦးထွက် ဂီတလှုပ်ရှားမှု ဖြစ်ပါတယ်။ တကယ့် စူပါအဆိုတော် တွေကြားထဲမှာ |
|
| ကျွန်တော့်ကို ပွဲထုတ်ပေးတဲ့ ကိုမောင်မောင်သန်း(The Sun Music)ရဲ့ ကျေးဇူးပေါ့။ ပရိသတ်က ဒီသီချင်းကို သတိထားမိရင် ကျေနပ်ပါပြီ။ အယ်လ်ဘမ်ထွက်ဖို့ကတော့ စီစဉ်နေဆဲပေါ့။ ဗီစီဒီသီချင်းတွေ သရုပ်ဆောင်ဖြစ်ပါတယ်။ ရှမ်းဗီဒီယို ဇာတ်ကားတွေ သရုပ်ဆောင်ထားတာလည်း ရှိတယ်။ Music ကတော့ ကျွန်တော်နဲ့ ပိုနီးစပ်တယ်။ Music ကို ဆက်လုပ်ဖြစ်သွားမှာပါ” |
| စိုင်းလိက်ရဲ့ ရိုးရိုးသားသားအပြောကို အခုလိုသိခဲ့၊ ကြားခဲ့ရပါတယ်။ သရုပ်ဆောင်တွေ အဆိုဘက်မှာ တချို့အဆင်ပြေကြတယ်။ Music ကတော့ တကယ့်ပါရမီရှိမှ ဖြစ်တာပါ။ ညာလို့မရဘူး။ အခု ခေတ်ပရိသတ်က ခံစားမှုပိုတယ်။ စိုင်းလိက်ရဲ့ Music ပထမခြေလှမ်းကတော့ ပရိသတ်သတိပြုမိ သွားပြီ။ တကယ် ပါရမီဗီဇ သူ့မှာ ပါလာရင်တော့...။ |
